धान खेतमा काम गरिरहेका ४३ मजदुरको घाँटी रेटेर हत्या

प्रकाशित मिति : माघ ९, २०७७ शुक्रबार


काठमाडौं । उत्तर–पूर्व नाइजेरियामा शनिबार भएको एक हमलामा कम्तीमा ४३ को मृत्यु भएको छ । समाचार एजेनसीका अनुसार हमलाकर्ताले धानको खेतमा काम गरिरहेका मजदुरलाई बाँधेर उनीहरुको घाँटी रेटेका छन् ।

यो हमलालाई पछिल्ला केही महिनामा भएको हमलामध्ये ‘सबैभन्दा विभत्स हमला’ बताइएको छ । अहिलेसम्म कुनै पनि संगठनले यो हमलाको जिम्मेवारी लिएको छैन ।

राष्ट्रपति मोहम्मदू बुहारीले यो हमलाको निन्दा गर्दै भनेका छन्, ‘मिहिनेती मजदुरमाथि गरिएको यो हमलाको जति निन्दा गरेपनि कम छ । पूरा देश लज्जास्पद हत्याबाट आहत छ ।’

यो हमला बोर्नो राज्यको राजधानी मेडूगरी नजिकै भयो । यो इलाकामा बोको हरम र इस्लामिक स्टेट पश्चिम अफ्रिकासँग सम्बन्धित चरमपन्थी सक्रिय छन् ।

केही प्रत्यक्षदर्शीलाई उद्धृत गर्दैै समाचार एजेन्सी एएफपीले लेखेको छ, ‘हामीले अहिलेसम्म ४३ को शव भेटेका छौं । सबैको रेटेर हत्या गरिएको छ । ६ व्यक्ति यस्ता पनि छन् जसको शवमा गम्भीर चोट छ । ’

केही मजदुर गायब भएको पनि बताइएको छ । एएफपीको रिपोर्ट अनुसार मारिएका मजदुर नाइजेरियाको उत्तर–पश्चिमी राज्य सोकोताका हुन् । यी सबै करिब एक हजार किलोमिटर टाढा, उत्तर पूर्वस्थित बोर्नो राज्यमा रोजगारीको खोजीमा आएका थिए ।


प्रतिक्रिया दिनुहोस्