नेकपा समुद्र हो, समुद्रमा छाल आउँछ, त्यहीँ बिलाउँछ : योगश भट्टराई

प्रकाशित मिति : २६ कार्तिक २०७७, बुधबार  ९ : ३७


ताप्लेजुङ । नेपाल कम्युनिस्ट पार्टी (नेकपा)का स्थायी कमिटी सदस्य समेत रहेका संस्कृति पर्यटन तथा नागरिक उड्डयनमन्त्री योगशकुमार भट्टराईले पार्टी कुनै पनि हालतमा फुटाउन नदिइने बताएका छन्।

गृह जिल्ला ताप्लेजुङको आठराई त्रिवेणी गाउँपालिकामा बुधबार आयोजित नेता तथा कार्यकर्ता भेटघाट कार्यक्रममा संस्कृति पर्यटन तथा नागरिक उड्डयनमन्त्री भट्टराईले ठूलो पार्टीमा सामान्य विवादजस्तो देखिए पनि कुनै हालतमा पार्टी नफुट्ने बताउँदै पार्टी जोगाउन दोस्रो पुस्ताका नेता लाग्ने बताए।

उनले भने, ‘नेकपा समुद्र हो, समुद्रमा छाल आउँछ, त्यहीँ बिलाउँछ, छाल आयो भन्दैमा आत्तिनु हुँदैन।’

पार्टीका नेता तथा कार्यकर्तालाई विचलित नहुनसमेत मन्त्री भट्राईले आग्रह गरे। नेताहरुले आ–आफ्नातर्फबाट त्याग गरी पार्टी जोगाउनुपर्ने उनको धारणा थियो। उनले पार्टी एकता कायम गर्नका लागि जनदबाव सिर्जना गर्न नेता तथा कार्यकर्तालाई आग्रहसमेत गरे।

 


प्रतिक्रिया दिनुहोस्