मुटु जोगाउन त्याग्नै पर्ने १० खराब बानी

प्रकाशित मिति : १६ कार्तिक २०७७, आइतबार  ६ : ५१


मुटु मानव शरीरको एक प्रमुख जीवनदायी अंग हो ।

अस्वस्थ जीवनशैली, खानपान, शारीरिक श्रमको कमी, तनाव लगायतका कारण पछिल्लो समय मुटु रोगीको संख्या बढिरहेको छ । त्यसका लागि हामीले केही बानी आचरण र जीवनशैलीलाई परिवर्तन गर्न आवश्यक छ ।

मुटु स्वस्थ राख्न हामीले केही खराब बानी त्याग्नै पर्छ ।

यी हुन मुटु जोगाउन त्याग्नै पर्ने १० खराब बानी

चर्को नुनिलो वा गुलियो खाँदा रक्तनली मोटो भएर रक्तप्रवाहमा बाधा पुर्‍याउँछन् र मुटुमा असर पुग्छ ।

चुरोट पिउँदा पनि रक्तनली मोटो भएर रक्तप्रवाहमा बाधा पुग्छ र मुटुरोगको सम्भावना ह्वात्तै बढ्छ ।

धेरै रक्सी पिउँदा उच्च कोलेस्ट्रेल, उच्च रक्तचाप र कलेजोमा खराबी देखा पर्छन् र यी सबै मुटुरोगका कारण बन्न पुग्छन् ।

धेरै तनाव लिँदा रक्तचाप बढ्छ र मुटुमा दबाब पर्छ जसका कारण मुटुरोग लाग्छ ।

शारीरिक काम नगर्दा रक्तप्रवाहमा समस्या आउँछ, रगत राम्ररी बग्न नपाएर मुटुमा समस्या देखिन्छ ।

धेर खाँदा रक्तनलीमा बोसो जम्छ जसका कारण उच्च रक्तचाप हुन पुग्छ र मुटुरोग निम्त्याउँछ ।

राति ढिलोसम्म जागै बस्ने, अधुरो निद्रा हुने अवस्थामा पनि तनाव, उच्च रक्तचाप लगायतका समस्या आउँछन् र मुटुलाई बिगार्छन् ।

दाँत र गिजाको समस्याले पनि मुटुरोग बढाउने कुरा धेरै अनुसन्धानले पत्ता लगाएका छन् ।

निद्रामा घुर्ने मान्छेलाई सास फेर्न समस्या हुनाले मुटुमा दबाब पर्छ र हार्ट अट्याकको सम्भावना बढाउँछ ।

जंक फूड तथा चिल्लो खानेकुराले पनि रक्तप्रवाहमा बाधा पु(याएर मुटुमा समस्या ल्याउँछन् ।

 


प्रतिक्रिया दिनुहोस्