प्रदेश ५ को प्रदेश सभा बैठक भोलिसम्मका लागि स्थगित

प्रकाशित मिति : १९ आश्विन २०७७, सोमबार  ४ : ३२


काठमाडौं । प्रतिपक्षी दल नेपाली कांग्रेसको अवरोधका बीच चलेको प्रदेश नम्बर ५ को प्रदेश सभा बैठक भोलिसम्मका लागि स्थगित भएको छ।

सभामुख पूर्ण घर्तीमगरले मंगलबार दिउँसो १२ बजे बस्ने गरी आजको बैठक स्थगित गरेका हुन्।

आजको बैठकमा आन्तरिक मामिला तथा कानून मन्त्री कुलप्रसाद केसीले प्रदेशको नाम लुम्बिनी र स्थायी राजधानी दाङ राप्ती उपत्यका तोक्ने प्रस्ताव छलफलका लागि पेश गरेका थिए।

छलफलमा केही सांसदले भाग लिए भने कांग्रेस सांसदले उभिएर विरोध गरिरहे। यसैबीच कांग्रेस सांसदले स्थायी राजधानी बुटवल नै राख्नुपर्ने माग गर्दै कुर्सी, टेबुल र माइक फुटाएका थिए।

सांसदहरूले उठाएका प्रश्नमा मन्त्री केसीले जवाफ दिएका थिए।


प्रतिक्रिया दिनुहोस्