काठमाडौं । नेपाली काँग्रेसका सांसद गगन थापाले विगत २० दिनदेखि भोकभोकै संघर्षमा उत्रेका वरिष्ठ डा.गोविन्द केसीको जीवनरक्षा गर्न माग गरेका छन्।
जुम्लाबाट अनसन सुरु गरेका डा केसीले आमरण अनसनमा बसेको आज २० औं दिन हो।
सरकारले अहिलेसम्म डा.केसीका माग सम्बोधनका लागि कुनै तत्परता देखाएको छैन। बरु, माग पुरा भएको भन्दै डा केसीलाई अनसन तोड्न सरकारले आग्रह गरेको छ।
डा केसीले आफ्ना माग पूरा नभएसम्म कुनैपनि उपचार नगर्ने अडान लिएका छन्।
यसैबीच, काँग्रेस सांसद थापाले सरकारको ध्यान डा केसीको जीवन रक्षा भन्दा मन्त्री कसलाई बनाउँने भन्नेमा केन्द्रीत रहेको टिप्पणी गरेका हुन।
सामाजिक सञ्जाल ट्विटमा नेता थापाले यस्तो लेखेका छन्।
२० दिनदेखि अनशनरत डा.केसीको स्वास्थ्य अवस्था गम्भीर बन्दै गएको छ।सरकार मस्त निद्रामा छ।सरकारलाई न जनताको स्वास्थ्यको चिन्ता छ न डा.केसीको जीवनरक्षाको,चिन्ता छ केवल सांसद र मन्त्री कसलाई बनाउने।त्यसैले नागरिकतहबाट जहाँ छौं त्यहीँबाट भनौं-डा.केसीको जीवन रक्षा गर!
सहमतिको पालना गर!— Gagan Thapa (@thapagk) October 3, 2020
