युवकमाथि प्रहरीले हातपात गरेको घटनामा छानबिन हुन्छ : प्रहरी हेडक्वार्टर

प्रकाशित मिति : १ आश्विन २०७७, बिहिबार  ९ : १४


काठमाडौं । नेपाल प्रहरीको मुख्यालयले कुलमान घिसिङको पुनर्नियुक्ति माग गर्दै शान्तिपूर्ण प्रदर्शनमा निस्किएका युवकमाथि हातापात भएको घटनालाई गम्भीरता पूर्वक लिएको जनाएको छ।

बिहिबार कुलमानको पक्षमा प्रदर्शनमा उत्रेका १०० ग्रुपका संयोेजक बब्लु गुप्ता लगायतमाथि प्रहरीले निर्घात कुटेको थियो।

प्रहरीले सामान्य अवस्थामा पनि ती युवकलाई लात्ता हानेको भिडियो भाइरल भएपछि सामाजिक सञ्जालमा अहिले प्रहरीको आलोचना भइरहेको छ।

आलोचना भएपछि प्रहरी मुख्यालयले उक्त घटनालाई गम्भीरता पूर्वक लिएको र घटनाबारे छानबिन हुने जनाएको छ।

यो भिडियोमा देखिएका गुप्ता तिनै युवक हुन जो १०० ग्रुपमार्फत निःशुल्क कपडा, रत्नपार्कमा भोकाहरूलाई खाद्यान्न व्यवस्थापन गर्दै आएका थिए।


प्रतिक्रिया दिनुहोस्