कपिलवस्तुमा होटल र यातायात खुल्ने

प्रकाशित मिति : ३१ भाद्र २०७७, बुधबार  ४ : १३


कपिलवस्तुमा जारी लकडाउन (निषेधाज्ञा) खुकुलो पारिएको छ।

यस अघि जिल्ला प्रशासन कार्यलयले जारी गरेको निषेधाज्ञाको समय आज राती १२ बजेबाट सकिदै छ।

आज कोरोना संकट ब्यवस्थापन समितीको बैठक बसी अर्को सुचना जारी नभएसम्मको लागि लकडाउन थपिएको छ। तर अहिले जारी गरिएको लकडाउन खुकुलो भएको हो।

यस अघि यातायात तथा होटलहरु पूर्ण रुपमा बन्द गरिएको मा अब यातायात तथा होटलहरु खुल्ने भएका छन् । तर सरकारले जारी गरेको स्वास्थ्य मापदण्डको भने अनिवार्यरुपमा पालना गर्नुपर्ने छ।

अब होटल, रेस्टुरेन्ट, बजार, सरकारी कार्यालय, बैक, उद्योग धन्दा यातायता खुल्ने भएपनि नेपाल सरकारले जारी गरेको मापदन्डको पालना गर्न प्रमुख जिल्ला अधिकारी दीर्घनारायण पौडेलले आग्रह गरे। उनले होटल र यातायातको विषयमा केन्द्र सरकारकै निर्णय कायम गरिएको बताए।

यस्तै जिल्लामा कुनैपनि मेला, महोत्सव, जात्रा गर्न, जुलुस गर्न तथा मानिसहरु भेलाहुन पाउने छैनन् भने नियमित पुजा पाठ बाहेकका सम्पूर्ण धार्मिक तथा सांस्कृतिक गतिविधी गर्न पूर्ण रोक लगाइएको छ ।


प्रतिक्रिया दिनुहोस्