वीरगन्ज महानगरपालिकाका मेयरले जिते कोरोना

प्रकाशित मिति : ८ भाद्र २०७७, सोमबार  १० : ०१


वीरगन्ज । वीरगन्ज महानगरपालिकाका मेयर विजयकुमार सरावगी कोरोना भाईरस मुक्त भएका छन् ।

उनी २५औँ दिनमा कोरोनामुक्त भएका हुन् ।

नारायणी अस्पतालको प्रयोगशालामा आइतबार गरिएको परीक्षणमा सरावगीको पीसीआर रिपोर्ट नेगेटिभ आएको उनका प्रेस सहयोगी गोविन्द देवकोटाले जानकारी दिए ।

गत साउन १४ मा काठमाडौंमा गरिएको परीक्षणमा सरावगीमा कोरोना संक्रमण पुष्टि भएको थियो ।

संक्रमण पुष्टि भएपछि उनलाई १२ दिन आईसीयूमा राखेर उपचार गरिएको थियो ।

मेयर सरावगीका सम्पूर्ण परिवारमा पनि कोरोना पुष्टि भएको थियो ।

उनका बुबाको अहिले पनि काठमाडौंको ग्रान्डी अस्पतालमा उपचार भइरहेको छ ।

परिवारका अन्य सदस्य कोरोनामुक्त भइसकेका छन् ।


प्रतिक्रिया दिनुहोस्