ऋषिपञ्चमीको अवसरमा महिलासँगै बागमती नदीमा नुहाउन गएका ३ बालक बगेर बेपत्ता

प्रकाशित मिति : ७ भाद्र २०७७, आइतबार  ३ : २३


रौतहट । ऋषिपञ्चमीको दिन आज (आइतबार) नहुाउनका लागि भनेर बागमती नदीमा गएका ३ बालेक बगेर बेपत्ता भएका छन् । गढीमाई नगरपालिका वडा नम्बर ७ धरमपुरघाटस्थित बागमती नदीमा ३ जना बालक बेपत्ता भएका हुन् ।

बेपत्ता हुनेमा धरमपुर टोल बस्ने भदई मुखियाकी १० वर्षीया छोरी पिंकुकुमारी, लछुमन दासकी १२ वर्षीया छोरी सुशीलाकुमारी र छट्टु मुखियाकी १० वर्षीया छोरी चञ्चलकुमारी रहेको जिल्ला प्रहरी कार्यालयका प्रहरी उपरीक्षक रविराज खड्काले बताए ।

ऋषिपञ्चमीका अवसरमा बिहान करीब १० बजे टोलका अन्य महिलासँग नुहाउन गएका बालिकाहरु नुहाउँदा नुहाउँदै अचानक बेपत्ता भएको स्थानीयवासी महिलाले बताएका छन् ।

सो घटनाको खबर आएपछि इलाका प्रहरी कार्यालय समनपुरका प्रहरी नायब निरीक्षक क्षेत्रबहादुर बरुवालको नेतृत्वमा गएको प्रहरी तथा सशस्त्र बेश क्याम्प समनपुरको प्रहरी टोली घटनास्थलमा पुगेर खोजतलास शुरु गरेको प्रहरी उपरीक्षक खड्काले जानकारी दिए । अन्य दिनका तुलनामा आज पानीको बहाव तीव्र रहेको रौतहट प्रहरीले जनाएको छ ।


प्रतिक्रिया दिनुहोस्