मुख्यमन्त्री भट्टद्वारा अट्वारीको पर्वको शुभकामना

प्रकाशित मिति : ७ भाद्र २०७७, आइतबार  १० : ३३


धनगढी । सुदूरपश्चिम प्रदेशका मुख्यमन्त्री त्रिलोचन भट्टले थारू समुदायले मनाउने अट्वारी पर्वका अवसरमा आज (आइतबार) शुभकामना व्यक्त गरेका छन् ।

मुख्यमन्त्री भट्टले आइतबार शुभकामना सन्देश जारी गर्दै यस पर्वले प्रदेशमा सामाजिक एवं सांस्कृतिक एकता तथा भातृत्वको सन्देश दिन सकोस् भन्ने शुभेच्छा प्रकट गर्दै अट्वारी पर्व मनाउने थारू समुदायलगायत सम्पूर्ण प्रदेशवासी दाजुभाइ दिदीबहिनीमा सुख, शान्ति, समृद्धि, सुस्वास्थ्य एवं उत्तरोत्तर प्रगतिको शुभकामना व्यक्त गरेका छन् ।

उनले शुभकामना सन्देशमा भनेका छन्, ‘कोरोना भाइरसको सङ्क्रमणको महामारीबाट उत्पन्न जटिल अवस्थाका कारण सुदूरपश्चिम प्रदेशसमेत कठिन मोडबाट गुज्रिरहेको कठिन परिस्थितिमा स्वास्थ्यसम्बन्धी सजगता अपनाउँदै आपसी समझदारी र बन्धुत्वको भावना जगाई पर्वलाई खुशीयालीसाथ मनाउनु हुनेछ भन्ने विश्वास लिएको छु ।’

साथै थारू समुदायले मनाउने अट्वारी पर्वले सम्पूर्ण प्रदेशवासीमा खुशी साटासाटका साथै सामाजिक, सांस्कृतिक एकता र पारस्परिक सुमधुर सम्बन्ध बनाउन सघाउ पुगोस् भनी कामना गरेका छनन् ।


प्रतिक्रिया दिनुहोस्