नेप्सेमा सोमबार हरियाली

प्रकाशित मिति : श्रावण १९, २०७७ सोमबार


काठमाडौं । साताको पहिलो दिन उच्च अङ्कको गिरावट आएको धितोपत्र बजारमा आज भने सामान्य सुधार देखिएको छ।

नेपाल स्टक एक्सचेन्जका अनुसार आज नेप्से ७.५९ अङ्कले बढेर एक हजार ४०३.८६ पुगेको छ।

यस्तै सेन्सेटिभ परिसूचक १.४७ अङ्कले बढेर २९४.२४ पुगेको छ। आज कूल १९० कम्पनीका ५३ लाख ४२ हजार ५८१ कित्ता शेयर एक अर्ब २९ करोड दुई लाख २५ हजार २१३ मा खरिदबिक्री भए।

आज कारोबार भएका कूल १२ मध्ये तीन उपसमूहको शेयर ओरालो लागेको छ।

जलविद्युत् ३.५५ अङ्कले घट्दा वित्त ०.८४ र सामूहिक लागनी कोष ०.०६ अङ्कले घटेका छन्। यस्तै बैंकिङ ७.०५, व्यापार ९.४४, होटल ३३.७७, विकास बैंक ६.२४, निर्जीवन बीमा ४६.७१, उत्पादन ८.१५, अन्य ३.८२, लघुवित्त १५.७३ र जीवन बीमा ५८.७८ अङ्कले बढेका छन्।

कारोबार रकमका आधारमा आज प्रभु बैंकको संस्थापक शेयर शीर्ष स्थानमा रह्यो।

सो कम्पनीको शेयर ३४ करोड २९ लाख ६० हजार ५०० मा खरिदबिक्री भयो।

यस्तै नेपाल पुनःबीमा कम्पनीको १० करोड चार लाख १७ हजार ६३९, नेपाल लाइफ इन्स्योरेन्सको छ करोड ३२ लाख १४ हजार ८८, एनआइसी एसिया बैंकको पाँच करोड १५ लाख ५१ हजार ७६६, एनएमबी बैंकको चार करोड ५५ लाख ७९ हजार ३४८ र नविल बैंकको शेयर तीन करोड ४९ लाख ३७ हजार ४४४ मा खरिद बिक्री भयो।

अजोड इन्स्योरेन्सका लगानीकर्ताले आज सर्वाधिक १० प्रतिशतले कमाए।

यस्तै आरम्भ चौतारी लघुवित्त वित्तीय संस्था ९.९२, नेपाल फाइनान्स ९.४६, नेपाल सेवा लघुवित्त वित्तीय संस्था ७.२७ र ग्रीन डेभलपमेन्ट बैंकका शेयरधनीले ६.५४ प्रतिशतले कमाए।

दिव्यश्वरी हाइड्रोपावर प्रालिका शेयरधनीले ६.९० प्रतिशतले गुमाए।

युनियन हाइड्रोपावर ६.५६, जोशी हाइड्रोपावर डेभलपमेन्ट ६.१५, छ्याङ्दी हाइड्रोपावर ५.३८ र युनाइटेड फाइनान्सका लगानीकर्ता ५.३२ प्रतिशतले गुमाए।


प्रतिक्रिया दिनुहोस्
https://www.dainikonline.com/feed/rdf/