कोरोना संक्रमणबाट १७ जिल्ला प्रभावित, उच्च जोखिममा कुन कुन परे ?

प्रकाशित मिति : ३० बैशाख २०७७, मंगलबार  ९ : ५०


काठमाडौं । नेपालमा हालसम्म १७ जिल्लामा कोरोना संक्रमण देखिएको छ । मंगलबार एकै दिन ५७ जनामा संक्रमण देखिएको छ । जम्मा एक सय ९१ जनामा मा संक्रमण देखिएकोमा ३३ जना निको भइसकेका छन् । सबैभन्दा धेरै संक्रमित पर्सा जिल्लामा छन् । जहाँ संक्रमितको संख्या ६४ पुगेको छ ।

मंगलबार मात्र ३९ जनामा संक्रमण देखिएको थियो । उदयपुरमा ३२, कपिलवस्तुमा २९, बाँकेमा २४, रुपन्देहीमा १६, काठमाडौंमा पाँच तथा कैलालीमा चार जनामा संक्रमण भेटिएको छ । बारामा तीन, चितवन, बाग्लुङ र झापामा २÷३ तथा, भोजपुर,बर्दिया, कञ्चनपुर, सर्लाही र सप्तरीमा १÷१ जनामा संक्रमण देखिएको छ ।

लकडाउनका बाबजुत नेपालमा समुदाय तहमा संक्रमण फैलिएको छ । जून निकै जोखिमपूर्ण भएको बताइएकाे छ । छिमेकी देश भारतमा पनि उच्च दरमा बढेको छ । जहाँ सोमबार ४२ सयमा संक्रमण देखिएको थियो । भारतमा संक्रमितको संख्या ६० हजार नाघेको छ । खुला सीमाका कारण भारतबाट आउनेहरुबाट नेपालमा संक्रमण बढेको हो ।


प्रतिक्रिया दिनुहोस्