लकडाउनमा भारतबाट चार अर्बको तरकारी आयात, नेपाली तरकारी बारीमै सडे

प्रकाशित मिति : २४ बैशाख २०७७, बुधबार  २ : ०३


लकडाउन सुरु भएको चैत महिनामा मात्र भारतबाट दुई अर्ब ८१ करोड २९ लाख रुपैयाँको तरकारी आयात भएको भन्सार विभागको तथ्यांक छ। नेपालमा ११ चैतदेखि लकडाउन सुरु भए पनि सीमानाका २ चैतदेखि नियन्त्रित भएका हुन्। 

चैतको तथ्यांक आधार मान्दा नेपालमा दैनिक नौ करोड ३७ लाख रुपैयाँको तरकारी आयात भइरहेको छ। त्यसैले लकडाउनयता २३ वैशाखसम्म ४२ दिनमा चार अर्ब १२ करोड ५५ लाख रुपैयाँको तरकारी आयात भएको मान्न सकिने भन्सारकै एक अधिकारीले बताए। 

तरकारी अत्यावश्यक वस्तु भएकाले आयात निर्वाध रूपमा भइरहेको भन्सार विभागका महानिर्देशक सुमन दाहालको भनाइ छ। नेपाली किसानले उत्पादन गरेको तरकारी भने बारीमा सुकिरहेको  र सडिरहेका छन्। आजको नयाँ पत्रिका दैनिकले खबर छापेको छ।


प्रतिक्रिया दिनुहोस्