श्रमिकलाई गाँस, बास र कपासको प्रत्याभूति गर्न राप्रपाको माग

प्रकाशित मिति : १९ बैशाख २०७७, शुक्रबार  १२ : ५०


काठमाडौं । राष्ट्रिय प्रजातन्त्र पार्टीले  अन्तर्राष्ट्रिय श्रमिक दिवसको अवसरमा विश्वका सम्पूर्ण श्रमिक, मजदुरमा सुखी र समृद्ध जीवनको कामना गरेको छ।

पार्टीका केन्द्रीय सचिवालय प्रमुखद्वय ध्रुवबहादुर प्रधान र भास्कर भद्राद्वारा आज जारी विज्ञप्तिमा सुन्दर संसारको निर्माण गर्ने र मानव सभ्यतालाई आजको अवस्थामा ल्याउन उल्लेख्य भूमिका निर्वाह गरेका श्रमिकको जीवन विश्वमा फैलिरहेको कोरोना भाइरसको चपेटामा पर्न गइ अत्यन्त कष्टकर बन्न पुगेको उल्लेख छ।

सङ्गठित क्षेत्रका तुलनामा असङ्गठित क्षेत्रमा कार्यरत श्रमिक मजदुरको स्थिति अत्यन्त दयनीय रहेको उक्त पार्टीले उल्लेख गरेको छ।

विज्ञप्तिमा भनिएको छ, बन्दाबन्दीबाट पहिलो र प्रत्यक्ष असर श्रमिक जनताको जीविकामा परेको छ, श्रमिक वर्गलाई गाँस, बास र कपासको प्रत्याभूति गर्न सरकारको गम्भीर ध्यानाकर्षण गराउँदछौँ।


प्रतिक्रिया दिनुहोस्