0
Shares
काठमाडौँ । चीनको वुहानबाट सुरु भएको कोरोना भाइरसको महामारी विश्वका २१० देशमा फैलिएको छ। कोरोना भाइरसबाट पछिल्लो २४ घण्टामा मात्रै ६ हजार ५ सय ८९ जनाको मृत्यु भएको छ भने ८१ हजार ६७८ जना नयाँ संक्रमित थपिएका छन्।
यो सँगै विश्वभर कोरोनाबाट मृत्यु हुनेको संख्या २ लाख २८ हजार १९० पुगेको छ भने ३२ लाख १९ हजार २४० जना संक्रमित भएका छन्।
छिमेकी देश भारतमा कोरोना भाइरसको संक्रमण फैलिएको छ। भारतमा पछिल्लो २४ घण्टामा मात्रै ७१ जनाको मृत्यु भएको छ । यो संख्या पछिल्लो २४ घण्टाकै उच्च हो।
यो सँगै भारतमा कोरोनाबाट मृत्यु हुनेको संख्या १ हजार ७९ पुगेको छ ३३ हजार ६२ जना संक्रमित भएका छन्। जसमध्ये ८ हजार ४ सय ३७ जनाको उपचार सफल भएको छ भने २३ हजार ५ सय ४६ जनाको उपचार भइरहेको छ।
