मुम्बई । गायिका कनिका कपूर, अभिनेता पूरब कोहली कोरोना भाइरसबाट संक्रमित भएको घटनापछि बलिउडका अर्को घटना बाहिरिएको छ।
फिल्म निर्माता करीम मोरानीलाई कोरोना भाइरस संक्रमण पुस्टि भएको छ।
करीमकी दुई छोरी जोया र शाजालाई केही दिनअघि संक्रमण पुस्टि भएको थियो।
बुधबार मोरानीमा पनि भाइरस संक्रमण भएको पुष्टि भएको भारतीय सञ्चार माध्यमले जनाएका छन्।
यहि अप्रिल ६ तारिख अर्थात २ दिन अगाडि शाजा मोरानी र उनकी बहिनी जोया मोरानीलाई कोरोना पोजिटिभ भएको पुष्टि भएको थियो ।
दुबै दिदीबहिनीको मुम्बईका बिभिन्न अस्पतालहरुमा उपचार भइरहेको छ।
बाबु सहित २ छोरीको रिपोर्ट पोजेटिभ आएपनि करिम मोरानीकी श्रीमती र घरका कर्मचारीको रिपोर्ट भने नेगेटिभ आएको छ।
करीमकी जेठी छोरी शाजा मार्चको पहिलो हप्ता श्रीलंकाबाट फर्केकी थिइन्।
सुरुमा उनमा कोरोनाको कुनै लक्षण देखापरको थिएन तर पछि कोरोना पोजिटिभ पाइयो ।
उनलाई नानावटी अस्पतालमा भर्ना गरिएको थियो।
मोरानीको परिवारका सदस्यहरू र घरेलु सहयोगीहरूलाई आइसोलेसनमा राखिएको छ।
फिल्म निर्माता करीमले शाहरुख खानको 'रा वन', 'चेन्नई एक्सप्रेस', 'नया साल मुबारक' र 'दिलवा'ले लगायत उत्कृष्ट फिल्महरू बनाएका छन्।
