डा. महतको अभिव्यक्तिपछि प्रवक्ता शर्मा र नेता गगन थापाको कडा टिप्पणी

प्रकाशित मिति : २३ चैत्र २०७६, आइतबार  ९ : ३३
0
Shares
  • change font
  • change font
  • change font

काठमाडौं । नेपाली कांग्रेसका सहमहामन्त्री डा. प्रकाशशरण महतको अभिव्यक्तिप्रति कांग्रेस प्रवक्ता विश्वप्रकाश शर्मा र युवा नेता गगन थापाले टिप्पणी गर्नुभएको छ । सहमहामन्त्री महतले ‘सरकार असफल भयो ः मध्यावधि निर्वाचन हुनुपर्छ’ भन्ने अभिव्यक्ति दिनुभएको थियो ।

डा. महतको उक्त अभिव्यक्तिप्रति लक्ष्यित गर्दै प्रवक्ता शर्माले ‘व्यक्तिगत मतहरु केवल व्यक्तिगत हुने’ बताउनु भएको छ । उहाँले थप्नुभएको छ, ‘यसमा पार्टीलाई गाँसेर अतिरञ्जित व्याख्या नगरौं ।’

प्रवक्ता शर्माले भन्नुभएको छ, ‘संस्थागतरुपमा नेपाली कांग्रेसको धारणा प्रष्ट छ । न सहमतिको सरकार न चुनाव । यो संकटको घडी जिम्मेवार ढङ्गले सरकारलाई हरसम्भव साथ तर ढिलासुस्ती, अनियमितता र भ्रष्टाचारविरुद्ध खबरदारी । जय नेपाल ।’ 

यस्तै, कांग्रेसका अर्का प्रभावशाली नेता गगन थापाले पनि ‘कहिले सहमतिको सरकार, कहिले मध्यावधि निर्वाचन’ भन्दै ट्वीट गर्नुभएको छ । उहाँले अगाडि थप्नुभएको छ, ‘लकडाउनमा बसिरहँदा यस्तो असम्भव र अनावश्यक विचार कसैको मनमा उब्जेका हुन् भने पनि मनमै लक गरिदिनुहोस् ।’ उहाँले भन्नुभएको छ, ‘यस्ता विषय बहसमा आइदिँदा सरकारी ‘अजासु’हरुलाई विषयान्तर गर्न बेकारको खुराक मिल्ने भयो ।’
 


प्रतिक्रिया दिनुहोस्