काठमाडौं । प्रधानमन्त्री केपी शर्मा ओलीका निवर्तमान प्रेस सल्लाहकार कुन्दन अर्यालले हथौडालाई भन्दा पनि हथौडा चलाउने हात खोज्नुपर्ने बताउनुभएको छ । समाचार डिलिट प्रकरणबारे गरिएको ट्वीटमा असगर अली र विकासलाई हथौडाको संज्ञा दिँदै हथौडा चलाउने हात खोज्नुपर्ने औंल्याउनु भएको छ ।
पूर्व प्रेस सल्लाहकार अर्यालले ट्वीट गर्दै लेख्नुभएको छ, ‘असगरजी र विकासजी प्राविधिक मात्र हुन् । म हथौडालाई भन्दा हथौडा चलाउने हातलाई खोज्नुपर्छ भन्छु ।’ उहाँले अन्दाज लगाउनुभएको छ, ‘यो प्रकरणको कारक राजनीतिक तहकै हुनुपर्छ ।’
सिरान टेकलाई कसले त्यसो गर्न लगायो, त्यो खोज्नुपर्ने उहाँको तर्क छ । अर्यालले ठोकुवा गर्नुभएको छ, ‘उनीहरूको मात्र आँटले त्यति ठूलो गलत काम भएको छैन ।’
असगरजी र विकासजी प्राविधिक मात्र हुन, म हथौडालाई भन्दा हथौडा चलाउने हातलाई खोज्नु पर्छ भन्छु। यो प्रकरणको कारक राजनीतिक तहकै हुनुपर्छ। सिरान टेकलाई कस्ले त्यसो गर्न लगायो, त्यो खोजौं। उनीहरूको मात्र आँटले त्यति ठूलो गलत काम भएको छैन। @srpaudel @rishikeshdahal @kpsharmaoli https://t.co/VvRU42VDu3
— Kundan Aryal (@TheRealKalamchi) April 3, 2020
