0
Shares
काठमाडौँ । सरकारले स्थापना गरेको कोरोना रोकथाम, नियन्त्रण तथा उपचार कोषमा नेपाल आयल निगमले ५० करोड रुपैयाँ सहयोग गरेको छ ।
बुधबार बसेको निगम सञ्चालक समिति बैठकले कोषमा ५० करोड रुपैयाँ सहयोग गर्ने निर्णय गरेको हो ।
सहयोग रकमको चेक बिहीबार प्रधानमन्त्री तथा मन्त्रिपरिषद् कार्यालयमा बुझाइएको बताइएकाे छ ।
विपतको समयमा पनि सरकारलाई सहयोग गर्दै आएको निगमले कोरोनामा महामारीको विषम परिस्थितिमा पनि रोगको रोकथाम तथा उपचारका लागि कोषलाई सहयोग गरेको जनाएको छ ।
सबैलाई स्वेच्छिक सहयोग गर्नसमेत निगमले अपिल गरेको छ ।
सरकारले कोरोना भाइरस रोकथाम तथा नियन्त्रणका लागि सरकारी कोष खडा गरी स्वेच्छिक सहयोग गर्न आग्रह गरेको छ ।
उक्त कोषमा हालसम्म झण्डै ७५ करोड रुपैयाँ जम्मा भैसकेको छ ।
