काठमाडौँ । पाटन अस्पताल मृत्यु भएका बिरामी मुटु रोगी भएको खुलेको छ । अस्पतालले donlineलाई दिएको जानकारी अनुसार उनको दुबै मृगौला ड्यामेज भएको थियो ।
भारतबाट फागुन १४ गते आएका ३६ वर्षका ३६ बर्षिय बम बहादुर तामाङ्गको आज आईसीयूमा उपचारकै क्रममा मृत्यु भएको थियो । अस्पतालका अनुसार ज्वरो पनि आएको र सबैतिर कोरोनाको त्रास भएकाले ढुक्क हुन पनि परीक्षण आवश्यक भएकाले स्वावको नमूना पठाइएको छ ।
अस्पताल स्रोतले दैनिक अनलाईसँग कुरा गर्दै भनेको छ ‘मृगौला दुबै ड्यामेज भएको बिरामी हुन्, उनको कोरोना भाइरसको कारण भन्दा अरू कारणले मृत्यु भएको हो ।’
धादिङ खनियाबास गाउँपालिका स्थायी घर भएका तामाङ्गलाई आइतबार ४ बजे अस्पताल ल्याएर आईसीयूमा भर्ना गरी उपचार गरिएको थियो ।
१६ वर्षमै भारतीय सेनामा भर्ती भई १८ वर्षदेखि कार्यरत तामाङ्गलाई दुई दिनदेखि ज्वरो आएपछि धादिङबाट काठमाडौँ ल्याइएको थियो। उनको परीक्षणको रिपोर्ट आउन बाँकी रहेको बताइएको छ ।
