रोगले बच्ने र भोकले मर्ने कोही नहुन् सरकार : प्रवक्ता शर्मा

प्रकाशित मिति : १४ चैत्र २०७६, शुक्रबार  १२ : ४२
0
Shares
  • change font
  • change font
  • change font

काठमाडौं । नेपाली कांग्रेसका प्रवक्ता विश्वप्रकाश शर्माले कोरोना भाइरसविरुद्ध लड्नका लागि निरन्तर आफ्ना अभिव्यक्तिहरु दिँदै आउनु भएको छ । पछिल्लोपटक उहाँले ४ वटा सुझाव दिँदै श्रमिक, बेरोजगार र विद्यार्थीलाई तत्काल राहत घोषणा र प्रदान गर्नुपर्ने बताउनु भएको छ । 

कोरोना भाइरसको संक्रमणबाट मुलुकलाई जोगाउन शुरुदेखि नै अत्यन्त गम्भीरतापूर्वक आफ्ना अभिव्यक्तिहरु दिँदै आउनुभएका प्रवक्ता शर्माले पछिल्लोपटक आफ्नो अभिव्यक्तिमा भन्नुभएको छ, ‘श्रमिक, बेरोजगार र विद्यार्थीलाई तत्काल राहत घोषणा र प्रदान गरौं । रोगले बच्ने र भोकले मर्ने कोही नहुन् सरकार ।’

प्रवक्ता शर्माले लकडाउन बाहिर जिम्मेवारीले हुनेहरुलाई सघाउनुपर्ने, हेलचेक्राईले हुनेहरुलाई सम्झाउनुपर्ने र बहादुरीले हुनेलाई कडाई गर्नुपर्ने बताउनु भएको छ । त्यस्तै, चुल्हो ‘लक्ड’ हुने चिन्ताले लकडाउनबाहिर रहेकाहरुलाई राहत घोषणा गर्नुका साथै प्रदान गर्नुपर्ने अभिव्यक्ति दिनुभएको छ ।

नेता शर्माले भन्नुभएको छ,
लकडाउनबाहिर,
१) जो जिम्मेवारीले छन्– सघाऔं ।
२) जो हेलचेक्राईले छन्– सम्झाऔं ।
३) बहादुरीले जो छन्– कडाइ गरौं ।
४) चुल्हो ‘लक्ड’ हुने चिन्ताले जो छन्–
त्यस्ता श्रमिक, बेरोजगार र विद्यार्थीलाई तत्काल राहत घोषणा र प्रदान गरौं ।
रोगले बच्ने तर भोकले मर्ने कोही नहुन् सरकार !


प्रतिक्रिया दिनुहोस्