0
Shares
काठमाडौं । प्रस्तावित प्रधानन्यायाधीश हरिकृष्ण कार्कीको संसदीय सुनुवाइ आज हुने भएको छ ।
संसदीय सुनुवाइ समितिको बुधबार बसेको बैठकले आज बिहान ८ बजे कार्ययोजना प्रस्तुतसहित सुनुवाइका लागि कार्कीलाई बोलाएको हो ।
संसद सचिवालयका अनुसार आज नै सुनुवाइ सकेर कार्कीलाई नियुक्तिको सिफारिस गर्ने समितिको तयारी छ । समितिले बुधबार कार्कीविरुद्ध उजुरी दिएका ७ जनासँग एक्लाएक्लै र बाँकीसँग सामूहिक छलफल गरिएको थियो ।
संवैधानिक परिषद्बाट वैशाख २५ गते सिफारिस भएका कार्कीमाथि सुनवाइ समितिले जेठ १६ गते १० दिनको समय दिएर उजुरी आह्वान गरेको थियो ।
समितिको जेठ १६ गते आह्वान गरेअनुसार प्रस्तावित प्रधानन्यायाधीश कार्कीविरुद्ध २९ वटा उजुरी परेका थिए ।
