0
Shares
काठमाडौं । उत्तरी सीमा तातोपानी नाकाबाट सिल्क मार्केटले २५ हजार र १० हजार परिणामको दुई चरणमा ३५ हजार टन युरिया मल तातोपानी भन्सार कार्यालयमा भित्राउन थालेको छ ।
जसमा तीन हजार पाँच सय टन मल कृषि सामग्री कम्पनी लिमिटेडले बुझिसकेको छ ।
उक्त परिणामको मलको टेष्ट र इन्पेक्सन प्रक्रिया छिटो गरिदिन कृषि सामग्री केन्द्रलाई आग्रह गरिएको छ ।
तातोपानी भन्सारको स्टोरेज क्षमता सात हजार पाँच सय टन मात्र भएकाले बाँकी मल सिगात्सेमा नै रहेको छ । केही दिनमा उक्त मल तातोपानी भन्सारमा भित्रिने छ ।
यस वर्ष समयमा नै मल आयात हुन थालेपछि किसानले उपयुक्त समयमा नै रासायनिक मल पाउने सिल्क मार्केटले जनाएको छ ।
