0
Shares
काठमाडौं । राष्ट्रियसभा सदस्य विमला राई पौड्यालले प्रहरीले बोल्नेको मुख थुनेको विषयमा सरकारसँग जवाफ माग गरेकी छन् ।
मंगलबार प्रधानमन्त्री प्रचण्ड एक कार्यक्रममा सहभागी हुने क्रममा विरोध गर्ने युवाहरुलाई प्रहरीले नियन्त्रणमा लिएको र मुख थुनेको भिडिओ तथा फोटोहरु सार्वजनिक भएपछि आज सांसद पौड्यालले यस बारेमा सरकारको जवाफ माग गरेकी हुन् ।
उनले भनिन्, ‘केही प्रहरीले जबर्जस्ती मुख थुनेको, लछारपछार पारिरहेको तस्वीरहरु जताततै देख्न पाइएको छ, यो किन भएको हो, ती युवाले के बोल्न खोजिरहेका थिए र प्रहरीले ज्यादती गरेको हो ?’
उनले संविधानले स्वतन्त्रतापूर्वक विचार राख्न पाउने र बोल्न पाउने अधिकार सबै नागरिकलाई दिएको स्मरण गराइन्।
