0
Shares
एजेन्सी । बेलारुसका राष्ट्रपति अलेक्ज्यान्डर लुकासेन्को चीनको राजकीय भ्रमणमा गएका छन् ।
रूसी राष्ट्रपति भ्लादिमिर पुटिनका निकटका सहयोगी लुकासेन्को युक्रेन युद्धलाई लिएर भूराजनीतिक तनाव बढिरहेका बेला चीन पुगेका हुन् ।
राष्ट्रपति लुकासेन्को भ्रमणलाई चीन र बेलारुसबीचको चौतर्फी सहयोग अभिवृद्धि गर्न तथा पारस्परिक सहयोग एवं विकास प्रवद्र्धन गर्ने अवसरका रूपमा लिइएको चिनियाँ विदेश मन्त्रालयले जनाएको छ ।
राष्ट्रपति लुकासेन्को भ्रमणलाई पश्चिमा देशले आशंकाका साथ हेरिरहेका छन् । चीनले रूसलाई सैन्य सहायता उपलब्ध गराउने विवरण सार्वजनिक भइरहँदा उनीहरू त्यसबाट चिन्तित देखिएका छन् ।
