0
Shares
काठमाडौं । सर्वोच्च अदालतले ओखलढुङ्गाको तारकेराबारीका उज्जनकुमार श्रेष्ठको हत्या मुद्दामा थुनामा रहेका पुष्कर गौतमलाई उच्च अदालत पाटनले दिएको जन्मकैद सजाय सदर गरेको छ ।
न्यायाधीशहरु विश्वभरप्रसाद श्रेष्ठ र सुष्मालता माथेमाको इजलासले ९ माघमा उच्च अदालतको फैसला सदर गरेको हो ।
माओवादी सभासद बालकृष्ण ढुंगेल दोषी ठहर भएको उज्जन हत्याकै मुद्दामा पुष्कर सर्वोच्च अदालतबाट दोषी ठहर भएका हुन् ।
तत्कालिन मुलुकी ऐन अनुसार जन्मकैद भएमा २० वर्ष कैद बस्नुपर्छ । २०५५ मा भएको हत्याकाण्डमा नौ जना मुछिएका थिए।
तत्कालीन समयमा माओवादीका जिल्ला सदस्य भनिएका गौतमले टर्च देखाउने र बालकृष्ण ढुंगेलले गोली हानेको अभियोग थियो।
