विश्वको शीर्ष १० अर्बपतीको सूचीबाट बाहिरिए अडानी

काठमाडौं । अडाणी समूहका संस्थापक गौतम अडानी विश्वका सबैभन्दा १० धनी व्यक्तिको सूचीबाट बाहिरिएका छन्।

अमेरिकी वित्तीय फर्म हिडनबर्ग रिसर्चका अनुसार अडाणी समूहमा वित्तीय अनियमिततासँग जोडिएको गम्भिर आरोप लागेपछि कम्पनीका सेयरमा भारी गिरावट आइरहेको छ।

जसको असर अडाणीको निजी सम्पत्तिमा पनि परेको बीबीसीले जनाएको छ। पछिल्लो केही दिनमा नै विश्वका पाँच सबैभन्दा ठूला धनीको सूचीबाट बाहिरिएका उनी मंगलबार भने १० धनीको सूचीबाट पनि बाहिरिएका छन्।

अहिले अडानी ११औं नम्बरमा रहेका छन्। यो सूची आज मात्रै अपडेट गरिएको हो। यद्यपि, फोर्ब्सको अर्बपतिको सूचीमा भने उनी आठौं नम्बरमा रहेका छन्।