रुसी सेनाले रुसी सेनामाथि नै गोली हान्दा ११ को मृत्यु, पुटिन भन्छन्ः आतंकवादी हमला भयो

प्रकाशित मिति : ३० आश्विन २०७९, आइतबार  ३ : ३७


काठमाडौं। दुई रुसी सेनाले आफ्नै साथीहरुलाई गोली हान्दा ११ जना रुसी सेनाको मृत्यु भएको छ।

बेल्गोरोड क्षेत्रस्थित रुसी सैन्य स्थलमा शनिबार भएको उक्त घटनामा कम्तीमा ११ जनाको मृत्यु हुनुका साथै १५ जना घाइते भएका छन्।

युक्रेननजिकैको रुसी सेनाको सैन्य स्थलमा दुई स्वयंसेवी सैनिकले अन्य सेनामाथि गोली हानेको रुसी रक्षा मन्त्रालयले जनाएको छ।

मन्त्रालयले एक विज्ञप्तिमा उक्त गोलीबारी युक्रेनसँग सीमा जोडिएको दक्षिणपश्चिमी रुसको बेल्गोरोड क्षेत्रमा भएको जनाएको छ।

अज्ञात भूतपूर्व सोभियत राष्ट्रका दुई स्वयंसेवकहरूले लक्ष्य अभ्यासको क्रममा अन्य सैनिकहरूलाई गोली हानेको र जवाफी गोली प्रहारमा मारिएको जनाइएको छ। मन्त्रालयले यस घटनालाई आतङ्कवादी हमला भनेको छ।

रूसी रक्षा मन्त्रालयलाई उद्धृत गर्दै तास समाचार समितिले पश्चिमी सैन्य जिल्लामा प्रशिक्षण सत्रको क्रममा शनिबार आक्रमण भएको हो। बन्दुकधारीहरू पूर्व सोभियत राज्यहरूका थिए।

रुसी अधिकारीहरूले उक्त हमलालाई आतङ्कवादी कार्यको संज्ञा दिएका छन्। रासस


प्रतिक्रिया दिनुहोस्