ओली लक्षित भीम रावलको टिप्पणीः म सम्पर्कविहीन भएँ भन्नु हाँस्यास्पद

प्रकाशित मिति : १३ आश्विन २०७९, बिहिबार  ३ : २४


काठमाडौं। नेकपा एमालेका नेता भीम रावलले आफू पार्टीको सम्पर्कमा नरहेको भन्नु हाँस्यास्पद भएको बताएका छन्।

केही दिनअघि सुदूरपश्चिमका नेताहरू पार्टी अध्यक्ष केपी शर्मा ओलीलाई भेट्न बोलकोट पुगेका थिए।

त्यो टोलीलाई ओलीले रावल पार्टीको सम्पर्कमा नरहेको बताएको खबर सार्वजनिक भएको थियो।

रावलले सामाजिक सञ्जालमार्फत् त्यो कुराको खण्डन गरेका हुन्।

‘म पार्टीको सम्पर्कमा नरहेको भन्ने के हो भनी धेरै पत्रकारले प्रश्न गर्नुभयो। म अछाम प्रतिनिधिसभा क्षेत्र नं १ ले आयोजना गरेको कार्यकर्ता भेलामा प्रमुख वक्ताको रूपमा सहभागी भएँ। योबारे जिल्ला इञ्चार्ज र अध्यक्षलाई जानकारी गराएको थिएँ। म सम्पर्कविहीन भन्नु हास्यास्पद’ उनले लेखेका छन् ।


प्रतिक्रिया दिनुहोस्