दसैंका लागि खसीबोकाको मूल्य तोकियो

प्रकाशित मिति : ११ आश्विन २०७९, मंगलबार  ९ : १२


खाद्य व्यवस्था तथा व्यापार कम्पनीले दसैंका लागि खसीबोका र च्याङग्राको मूल्य तोकेको छ।

खसीको बिक्री मूल्य ज्यूँदोमा प्रतिकिलो ६८० रुपैयाँ तोकिएको कम्पनीका बिक्री वितरण विभाग प्रमुख भीम थापाले बताए। उक्त मूल्यमा १० रुपैयाँ छुट दिइनेछ।

च्याङग्रो मूल्य १२ सय ६० रुपैयाँ तोकिएको छ। प्रतिकिलो १० रुपैयाँ छुटसहित उपभोक्ताले १२ सय ५० रुपैयाँमा किन्न पाउनेछन्।

छुट दिँदा खसीबोका प्रतिकिलो ६ सय ७० र च्याङ्ग्रा १२ सय ५० रुपैयाँ पर्ने बताइएको छ। खाद्यले बिक्री गर्ने मूल्य व्यापारीको भन्दा किलोकै ५० रुपैयाँ सस्तो हो।


प्रतिक्रिया दिनुहोस्