सभामुख सापकोटा र चिनियाँ जनकांग्रेसका अध्यक्ष लीबीच भेटवार्ता

प्रकाशित मिति : २७ भाद्र २०७९, सोमबार  ६ : १९


काठमाडौं । चिनियाँ जनकंग्रेसको स्थायी समितिका अध्यक्ष ली चान्सुले समकक्षी अग्नि सापकोटासँग शिष्टाचार भेट गरेका छन्।

नेपालको चार दिने भ्रमणमा रहेका चान्सुले संघीय संसद भवन नयाँ बानेश्वरको तिलिचो हलमा सापकोटासँग शिष्टाचार भेटवार्ता गरेका हुन्।

चान्सु सोमबार दिउँसो ३ बजे त्रिभुवन अन्तर्राष्ट्रिय विमानस्थलमा ओर्लेका हुन्। लिले नेपालमा रहँदा उच्चस्तरीय राजनीतिक तथा कूटनीतिक भेटघाट गर्नेछन्।

मंगलबार अध्यक्ष लिले प्रधानमन्त्री शेरबहादुर देउवा र परराष्ट्रमन्त्री डा.नारायण खड्कासँग भेटवार्ता गर्नेछन्। उनले एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्डसँग पनि बुधबार बिहान संसद् भवनमा बेग्लाबेग्लै भेटवार्ता गर्ने कार्यक्रम छ।

बुधबार अपराह्न साढे ३ बजे अध्यक्ष लि राष्ट्रपति विद्यादेवी भण्डारीलाई भेट्न शीतल निवास जाने छन्। सोही दिन उनी दक्षिण कोरियातर्फ लाग्ने भएका छन्।


प्रतिक्रिया दिनुहोस्