काठमाडौं । गायिका आस्था राउतको भाइरल बनिरहेको भिडियोबारे प्रहरीले अनुसन्धान सुरु गरेको छ।
महानगरीय प्रहरी कार्यालय (मेट्रो) रानी पोखरीले संस्थाकै बदनाम गरिएको विषय भएकाले प्रगम्भीरतापूर्वक लिएको जनाएको छ।
यसैबीच गायिका राउतले आफ्नो आक्रोश प्रहरी संगठनप्रति नभएको बताएकि छन् ।
आस्था राउतको भिडियो भाइरल बनेपछि अनेक टिप्पणी भइरहेको छ । केहिले प्रहरीले सर्वसाधारण प्रति देखाउने व्यवहार विरुद्धको आक्रोश भनेका छन् भने कतिपयले 'अशिष्ट' भनेका छन् ।
आस्था नानीले सामाजिक संजालमा एक जनाको गल्ती लाई लिएर प्रहरी संगठन,संगठन का सदस्य र परिवारका बारेमा गरेको गाली हेर्दा नराम्रो लाग्यो।सामाजिक संजालमा यहि कुरा सभ्य भाषामा राखेको भए राम्रो हुने थियो प्रहरीमा पढेलेखेका र बुझ्नेको संख्या ठूलो छ।
— Hemant Malla (@Hemantmalla) January 16, 2020
गायिका राउतले त्रिभुवन अन्तर्राष्ट्रिय विमानस्थलमा तल्लो दर्जाका प्रहरीबाट आफुविरुद्ध दुर्व्यवहार भएको भन्दै प्रहरी संगठनविरुद्ध नै आक्रोश व्यक्त गर्दै फेसबुक लाइभ गरेकी थिइन्।
