४५ वर्ष सजाय सुनाइएकी साउदी महिलाले राजाविरुद्ध के पोस्ट गरेकी थिइन्?

प्रकाशित मिति : २२ भाद्र २०७९, बुधबार  १२ : ४६


रियाद। साउदीमा एक साताअघि समाजिक सञ्जालमा विवादास्पद सामग्री पोस्ट गरेको भन्दै एक महिलालाई ४५ वर्षको सजाय सुनाइएको थियो।

तर, उक्त सजाय पाउने गरी उनले के पोस्ट गरेकी थिइन् भनेर खुलाइएको थिएन् । मंगलबार भने सरकारले महिलाले पोस्ट गरेको सामग्री र उनीमाथि लगाइएको आरोपबारे खुलासा गरेको छ।

महिलालाई राजा सलमान र युवराज मोहम्मद बिन सलमानको धर्म र न्यायलाई चुनौती दिन ट्विटर प्रयोग गरेको अभियोग लगाइएको छ।

पाँच सन्तानकी आमा नुराह अल–काहतानीलाई साउदी अधिकारीहरूले दुरासयपूर्ण सामग्री पोस्ट गरेकोमा गत हप्ता जेल सजाय सुनाइएको थियो।

उक्त सजायले पश्चिम देशले निन्दा गरेको थियो। अल काहतानीले अधिकारीहरूको अपमान गर्न र सुरक्षा मुद्दामा विचाराधीन बन्दीहरूलाई रिहाइका लागि ट्वीटर प्रयोग गरेको आरोप लागेको छ। एजेन्सी


प्रतिक्रिया दिनुहोस्