चीनको सिचुवानमा ६.८ म्याग्निच्युडको भूकम्प, सात जनाको मृत्यु

प्रकाशित मिति : २० भाद्र २०७९, सोमबार  ४ : ०९


काठमाडौं। चीनको दक्षिणप्रश्चिम प्रान्त सिचुवानको लुडिङ काउन्टीमा ६.८ म्याग्निच्युडको भूकम्पमा परी सात जनाको मृत्यु भएको स्थानीय अधिकारीहरूले बताएका छन्।

भूकम्पबाट सात जनाको मृत्यु भएको विवरण प्राप्त भएको छ र भौतिक संरचनाको विस्तृत विवरण भने आउन बाँकी छ।

स्थानीय समयअनुसार १२ बजेर ५२ मिनेटमा लुडिङ काउन्टीभन्दा ३९ किलोमिटर टाढाको स्थललाई केन्द्रबिन्दु बनाएर भूकम्प भएको चाइना भूकम्प नेटवर्क सेन्टरले जनाएको छ।

भूकम्पको धक्का केन्द्रबिन्दुबाट दुई सय २६ किलोमिटर टाढा रहेको सिचुवान प्रान्तको राजधानी छन्दुमा पनि महसुस गरिएको थियो।

राष्ट्रिय आपत्कालीन प्रतिकार्य तथा उद्धार कार्यालयबाट सहायताकर्मी भूकम्प प्रभावित क्षेत्रमा परिचालन भएका छन्। रासस


प्रतिक्रिया दिनुहोस्