पाकिस्तानमा बाढीका कारण खतरनाक रेल दुर्घटना, १९ को मृत्यु हुँदा एक हजार २५६ घाइते

प्रकाशित मिति : १७ भाद्र २०७९, शुक्रबार  १२ : ४८


काठमाडौं। पाकिस्तानमा भारी वर्षा र बाढीका कारण रेल दुर्घटनामा पर्दा गएको २४ घन्टामा कम्तीमा पनि १९ जनाको ज्यान गएको बताइएको छ।

त्यहाँ केही दिनयतादेखि भारी मात्रामा वर्षा भएको छ भने यसका कारण त्यहाँका कैयौँ स्थानमा पहिरो आएको छ।

पहिरोका कारण सडकमा क्षति पुगेको छ। यसबाट रेलका लिगहरु पनि बिग्रिएका छन्। यसबाट हुन गएको रेलको दुर्घटनामा परी गएको २४ घन्टा १९ को मृत्यु हुँदा एक हजार २५६ घाइते भएको बताइएको छ।

त्यहाँको विपद् व्यवस्थापन प्राधिकरणले सो कुराको जानकारी दिएको छ। उक्त प्राधिकरणले यहाँको रेल सेवा पनि मौसमी वर्षाका कारण प्रभावित हुन पुगेको बताएको छ।

बिहीबार राति सो प्राधिकरणले सार्वजनिक गरेको एक रिपोर्टमा गएको २४ घन्टामा १९ जनाको ज्यान गएको र त्यस दुर्घटनामा नौ जना बालबालिका र अरु सात महिला पनि परेका जानकारी गराइएको छ।

भारी वर्षा र बाढीले पाकिस्तानमा ठूलो जनधनको क्षति हुन पुगेको छ। यहाँका एक हजारभन्दा बढी व्यक्तिको बाढीबाट ज्यान गएको छ भने अरु हजारौँ जना घाइते भएका छन्।

बाटो, विजुलीलगायतका भौतिक पूर्वाधारमा पनि यहाँको बाढी र पहिरोले क्षति पु¥याएको बताइएको छ। पाकिस्तानको दक्षिणी सिन्ध प्रान्त बाढी र पहिरोबाट सबैभन्दा बढी प्रभावित हुन पुगेको छ। हिजोमात्र सिन्ध प्रान्तमा १२ जनाको ज्यान गएको छ भने अरु कैयौँ घाइते भएका छन्। रासस


प्रतिक्रिया दिनुहोस्