बालोन डि’ओरको मनोनयनमै परेनन् मेस्सी र नेयमार

प्रकाशित मिति : २८ श्रावण २०७९, शनिबार  १० : १६


काठमाडौँ । फ्रेन्च क्लब पेरिस सेन्ट जर्मेन (पीएसजी)का स्टार फवार्डद्धय लियोनेल मेस्सी र नेयमार यस वर्षको बालोन डि’ओरको मनोनयनमा पर्न असफल भएका छन् ।

आयोजक फ्रान्स फुटबलले सार्वजनिक गरेको मनोनयनमा पर्ने ३० जनाको सूचीमा अर्जेन्टिनी र ब्राजिली स्टार नअटाएका हुन् । कीर्तिमानी सात पटकको विजेता मेस्सीसमेत सन् २००६ पछि पहिलोपटक मनोनयनमै पर्न असफल रहे । नेयमार पनि मनोनयना परेका छैनन् ।

रियल म्याड्रिडलाई ला लिगा र च्याम्पियन्स लिग जिताउन महत्वपूर्ण भूमिका निर्वाह गरेका कप्तान करिम बेन्जेमा मनोनयनमा परेका छन् । उनी उपाधिका लागि मुख्य दाबेदार हुन् । रियलका ६ खेलाडी मनोनयनमा छन्।

अवार्ड घोषणा आगामी अक्टोबर १७ मा पेरिसमा हुने छ ।

मनोनयनमा परेका खेलाडी–

करिम बेन्जेमा (रियल म्याड्रिड), थिवाउट कोर्टुवा (रियल म्याड्रिड), भिनिसियस जुनियर (रियल म्याड्रिड), क्यासमिरो (रियल म्याड्रिड), लुका मोड्रिच (रियल म्याड्रिड), एन्टेनियो रुडिगर (रियल म्याड्रिड/चेल्सी), मोहम्मद सलाह (लिभरपुल), ट्रेन्ट एलेक्सान्डार आर्नाेल्ड (लिभरपुल), लुयस डियाज (लिभरपुल), फाविन्हो (लिभरपुल), डार्विन नुनेज (लिभरपुल/बेन्फिका), भर्जिल भान डाइक (लिभरपुल), रियाद महारेज (म्यानचेस्टर सिटी), बर्नाडो सिल्भा (म्यानचेस्टर सिटी), फिल फोडेन (म्यानचेस्टर सिटी), केभिन डि ब्रुयन (म्यानचेस्टर सिटी), क्यान्सेलो (म्यानचेस्टर सिटी), एर्लिङ हालान्ड (म्यानचेस्टर सिटी/डर्टमुन्ड), रोबर्ट लेवान्डोस्की (बार्सिलोना/बायर्न म्युनिख), ह्युङ मिन सन (टोटेनहम), ह्यारी केन (टोटेनहम), योसुवा किम्मिख (बायर्न म्युनिख), साडियो माने (बायर्न म्युनिख/लिभरपुल), राफयल लियो (एसी मिलान), मेक मेइगनान (एसी मिलान), क्रिस्टोफोर एनकुुकु (लाइप्जिग), क्रिस्टियानो रोनाल्डो (म्यानचेस्टर युनाइटेड), केलियन एमबाप्पे (पिएसजी), हालेर (डर्टमुन्ड) र डुसान भ्लाहोभिक (युभेन्ट्स)


प्रतिक्रिया दिनुहोस्