ओजिल अब टर्किस क्लबबाट खेल्ने

प्रकाशित मिति : ३० असार २०७९, बिहिबार  २ : ०५


काठमाडौं । जर्मनीका पूर्व मिडफिल्डर मोसिट ओजिल अब टर्किस क्लब इस्तानबुल बासाकसेहिरबाट खेल्ने भएका छन् । इस्तानबुलले सामाजिक संजालबाट ओजिललाई अनुबन्ध गरिएको जानकारी दिएसंगै अब उनको यात्रा इस्तानबुलबाट अगाडी बढ्ने भएको हो ।

ओजिलले बुधबार मात्र टर्किस क्लब फेनरबाचे छाडेका थिए । फेनरबाचेसँगको सम्झौता अन्त्य गर्दै ओजिल प्रतिद्वन्दी क्लब इस्तानबुलमा आबद्द भएका हुन् ।

सम्झौता दुई वर्ष बाँकी रहदै ओजिलले फेनरबाचे छाडेका हुन् । इंग्लिस क्लब आर्सनलका पूर्व मिडफिल्डर समेत रहेका ओजिलले फेनरबाचेका लागि कुल ३६ खेल खेलेका थिए ।

३३ वर्षीय ओजिलले गत सिजन फेनरबाचेका लागि २२ लिग खेल खेलेका थिए।

 

 


प्रतिक्रिया दिनुहोस्