नेपाल-भारत सिमानामा गोली चल्यो, एक जनाको मृत्यु

प्रकाशित मिति : १७ असार २०७९, शुक्रबार  ८ : २५


बर्दिया । बर्दिया स्थित नेपाल भारत सिमानामा गोली चल्दा एक जनाको मृत्यु भएको छ।

बर्दियाको गुलरिया नगरपालिका–३ मा भारतीय जङ्गलमा गोली लागि एक जनाको मृत्यु भएको हो।

बिहान करिब १० बजे सीमावर्ती भारतीय जङ्गलमा निउरो टिप्न गएका हेमराज गोडियाको अज्ञात व्यक्तिले चलाएको गोली दायाँ खुट्टामा लागेको थियो।

उनलाई अस्पताल ल्याउँदै गर्दा मृत्यु भएको बर्दियाका प्रहरी नायब उपरीक्षक सूर्य सुवेदीले जानकारी दिए। गोली कसले कसरी चलाएको हालसम्म जानकारी नभएको उपरीक्षक सुवेदीले बताए।

शव परीक्षण गरी आफन्तको जिम्मा लगाइएको छ। रासस


प्रतिक्रिया दिनुहोस्