फक्सवागनको सुविधा सम्पन्न सोरुम नक्सालमा

प्रकाशित मिति : १ असार २०७९, बुधबार  ३ : ०५


काठमाडौं । नेपालका लागि फक्सवागन गाडीको आधिकारिक विक्रेता पूजा इन्टरनेसनल नेपाल प्रालिले नक्सालमा पनि सोरुम खोलेको छ । जर्मन ‘स्ट्यान्डर’ को फ्ल्यागशिप सोरुम पूजा इन्टरनेसनल नेपालले नक्सालमा खोलेको हो ।

कम्पनीले ग्राहकको बढ्दो मागअनुसार नक्सालमा ५–तारे अनुभवको अत्याधुनिक सुविधासम्पन्न सोरुम सञ्चालनमा ल्याएको जनाएको छ ।
नेपालका लागि जर्मनीका राजदूत थोमस प्रिंज, र सञ्चारकर्मीको उपस्थितिमा उक्त सोरुम उद्घाटन गरिएको कम्पनीले जनाएको छ ।

नक्सालमा जर्मनीको जस्तै अत्याधुनिक सुविधासम्पन्न सोरुम खोल्न पाउँदा निकै खुसी भएको बताउँदै पूजा इन्टरनेसनल नेपालका प्रमुख कार्यकारी अधिृकत विवेक विजुक्छेले भने ‘यो सोरुमले ग्राहकलाई फक्सवागनको गाडी खरिद गर्न अझ सजिलो बनाउनेछ ।’

दुई सातासम्म आकर्षक अफर
नयाँ सोरुम खोलेको अवसरमा कम्पनीले आगामी दुई सातासम्म उक्त सोरुमबाट गाडी बुकिङ गर्ने ग्राहकका लागि आकर्षक अफर पनि ल्याएको जनाएको छ । प्रमुख कार्यकारी अधिकृत विजुक्छेका अनुसार यो सोरुमबाट आगामी दुई सातासम्म गाडी बुकिङ गर्ने ग्राहकले ४ वर्षसम्म तनाव मुक्त भै फ्री ‘सर्विसिंग’ र Free Consumables पाउनेछन् ।

पूजा इन्टरनेसनलले १२ वर्षदेखि नेपालमा फक्सवागनका गाडी बिक्री वितरण गर्दै आएको छ । फक्सवागनका गाडीहरु बलियो डिजाइन र युरोपेली प्रविधिबाट तयार गरिएकोले नेपाली गाडी पारखीमाझ निकै लोकप्रिय मानिएका छन् । जसले यसलार्ई नेपालको निकै रुचाइएको ब्रान्ड पनि बनाएको छ ।

नेपालमा फक्सवागनका १० भन्दा बढी सोरुम र ९ वटा सर्विस सेन्टर सञ्चालनमा रहेका छन् ।


प्रतिक्रिया दिनुहोस्