टाउकोको मूल्य तोकिएका कोलम्बियामा खतरनाक विद्रोही नेता ‘मेइम्ब’ मारिए

प्रकाशित मिति : ३१ जेष्ठ २०७९, मंगलबार  ३ : १३


कोलम्बिया। कोलम्बियाको सेनाले पूर्व छापामार समूहको असन्तुष्ट गुट, कोलम्बियाको रिभोलुसनरी आर्म्ड फोर्सेस अफ कोलम्बिया फार्कका नेताको हत्या गरेको राष्ट्रपति इभान डुकले सोमबार बताउनु भएको छ।

दक्षिणपश्चिम विभागको ग्रामीण इलाकाको एउटा घरमा अन्य विद्रोहीहरूसँग आफ्नो जन्मदिन मनाइरहँदा लेइडर जोहानी नोस्क्यु बोटोटो, उर्फ ‘मेइम्बु’ सैन्य गुप्तचरले भेटेका थिए।

उनको दाहिने हातमा भएको नामको ट्याटुले पहिचान गरेको डुकले राजधानी बोगोटाको सरकारी मुख्यालयमा भन्नु भएको छ।

‘मेइम्ब अत्यधिक ‘खतरनाक’ मानिन्थ्यो र उनको टाउको मूल्य दुई लाख ५० हजार अमेरिकी डलर सम्मको इनाम थियो। ‘यो निस्सन्देह फार्क असन्तुष्टहरू विरुद्ध गरिएको सबैभन्दा महत्त्वपूर्ण अपरेशनहरू मध्ये एक हो, र हामी अगाडि बढ्न जारी राख्नेछौं, हामी दुष्टका प्रतीकहरू जहाँ भए पनि खोजिरहनेछौं। यो कानूनको विजय हो,“ डुकले भन्नु भएको छ।

फार्क छापामार समूह २०१६ मा निशस्त्र भयो र एक राजनीतिक दलमा रूपान्तरण भयो, तर सबै विद्रोहीहरूले समूहको सरकारसँगको शान्ति सम्झौतामा सहमत भएनन्। असहमत भएकाहरूले विद्रोह जारी राखे।


प्रतिक्रिया दिनुहोस्