युक्रेन विश्वकप नजिक

प्रकाशित मिति : १९ जेष्ठ २०७९, बिहिबार  ७ : ३१


स्कटल्यान्डलाई ३–१ ले हराउँदै युक्रेन कतार विश्वकप अन्तर्गत युरोपेली छ्नोटको प्ले अफको फाइनलमा प्रवेश गरेको छ। अब, युक्रेनले विश्कपमा स्थान बनाउन फाइनल प्ले अफमा वेल्सको सामना गर्नेछ। यो खेल आइतबार राति कार्डिफमा हुनेछ।

स्कटल्यान्डको हाम्पडेन पार्कमा युक्रेनको जितमा एन्ड्री यार्मोलेन्को, रोमन यारेमचुक र अर्टि डोभ्यकले गोल गरे। स्कटल्यान्डका कलुम म्याकग्रेगरले एक गोल फर्काए।

यो खेल गत मार्चमै हुनुपर्ने भए पनि रसियाले युक्रेनमाथि सैन्य आक्रमण गरेपछि खेल स्थगित भएको थियो।

कतार विश्वकपका लागि हालसम्म २९ राष्ट्र छनोट भइसकेका छन्। अन्तर माहादेशीय छनोटबाट अब वेल्स र युक्रेन, अष्ट्रेलियाविरुद्ध पेरु तथा कोस्टा रिका र न्युजिल्यान्डमध्येबाट ३ राष्ट्र छनोट हुन बाँकी छ।


प्रतिक्रिया दिनुहोस्