युक्रेनले लामो दुरीमा मार हान्नसक्ने अत्याधुनिक रकेट प्रणाली अमेरिकाबाट पाउँदै, रुसलाई थप चुनौती

प्रकाशित मिति : १८ जेष्ठ २०७९, बुधबार  १२ : १३


काठमाडौं। अन्ततः युक्रेनले अमेरिकाबाट अत्याधुनिक रेकट प्रणाली प्राप्त गर्ने भएको छ। यो रकेट ७० किलोमिटर परसम्म पुगेर मार हान्न सक्षम भएको अमेरिकी भनाइ छ।

अमेरिकी राष्ट्रपति जो बाइडेनले युक्रेनलाई लामो दुरीसम्म पुग्ने रकेट प्रणाली दिन सहमत भएका हुन्। यसअघि अमेरिकाले यस्तो हतियार युक्रेनलाई नदिने बताएको थियो।

त्यस्ता हतियार युक्रेनलाई दिए युक्रेनले रुसलाई आक्रमण गर्ने आशंका गरिएको थियो। यद्यपी बाइडेनले यतिबेला पछिल्लो हतियार दिने बताउँदै ती हतियारले युक्रेनको रक्षा शक्ति बढ्ने बताएका छन्।

Image shows rocket firing

न्युयोर्क टाइम्समा एक लेख लेख्दै बाइडेनले अमेरिकी सहयोगले युक्रेनले सटिक रुपमा आक्रमण गर्नसक्ने उल्लेख गरेका छन्।

हिमार्स नामक रकेट प्रणाली ७० करोड अमेरिकी डलर सहायता प्याकेज अन्तर्गत युक्रेनलाई हस्तान्तरण गर्न लागिएको हो।

बाइडेनले रुससँग युद्ध नचाहेको बताउँदै युक्रेनलाई आत्मरक्षाको लागि सहयोग गरेको जनाएका छन्। बीबीसी


प्रतिक्रिया दिनुहोस्