ट्रकको ठक्करबाट एकको मृत्यु

प्रकाशित मिति : ५ जेष्ठ २०७९, बिहिबार  ४ : १४


बिर्तामोड । ट्रकको ठक्करबाट झापामा एक व्यक्तिको मृत्युु भएको छ। पूर्व–पश्चिम राजमार्गअन्तर्गत झापाको बिर्तामोड–२ स्थित रामचोक नजिकै ट्रकको ठक्करबाट बिर्तामोड–४ का ५२ वर्षीय टङ्क काफ्लेको मृत्यु भएको जिल्ला ट्राफिक प्रहरी कार्यालयले जनाएको छ ।

रामचोकस्थित सडक दक्षिणमा पार्किङ गरिएको ट्रक सडकमा निकाल्ने क्रममा पैदलयात्री काफ्लेलाई ठक्कर दिएको थियो । प्रदेश–१–१०–००१ख ३५९४ नंको ट्रक ब्याक गरेर सडकमा निकाल्ने क्रममा पैदलयात्रीलाई ठक्कर दिएको प्रहरीले जनाएको छ। ट्रकको ठक्करबाट गम्भीर घाइते भएका काफ्लेलाई उपचारका लागि बिर्तासिटी अस्पताल पुर्याउनासाथ मृत्यु भएको प्रहरीले जनाएको छ। रासस


प्रतिक्रिया दिनुहोस्