डोनेट्स्कमा रुसी आक्रमण, २१ सर्वसाधारणको मृत्यु हुँदा २७ घाइते

प्रकाशित मिति : २१ बैशाख २०७९, बुधबार  १ : ०७


काठमाडौं। रुसले युक्रेनको पूर्वी क्षेत्र डोनेट्स्कमा आक्रमण गर्दा एकैदिनमा २१ जनाको मृत्यु भएको छ भने अन्य २७ जना घाइते भएका छन्।

गएको एक महिनामा एकैदिनमा धेरै मानिस मारिएको यो पहिलोपटक हो।

त्यहाँका गभर्नर पाभ्लो क्रिलेन्कोका अनुसार बुधबार रुसी सेनाले गोलाबारी र बमबारी गरेपछि सर्वसाधारणहरु मारिएका हुन्।

रुसले युक्रेनका राष्ट्रपति भोलोदिमिर जेलेन्स्कीलाई अपदस्थ गर्ने प्रयास गरेता पनि त्यो सफल हुन सकेको छैन।

यसबीचमा युक्रेनको पूर्वी भूभाग डोनेट्स्क र लुहान्स्कलाई भने केही समयभित्र रुसमा गाभ्ने अमेरिकाले चेतावनी दिएको छ।

यी दुई क्षेत्रमा रुसले जनमत संग्रह गराएर यो भूभागलाई युक्रेनबाट छुटाउने प्रयास गरेको अमेरिकी भनाइबीच यहाँ आक्रमण भएका हुन्। अल्जाजिरा


प्रतिक्रिया दिनुहोस्