नेपालको भूमि भारतले आफ्नो राजनीतिक नक्सामा राख्नु असह्य

काठमाडौँ । नेपालको भूमि भारतले आफ्नो राजनीतिक नक्सामा राख्नु सह्य नहुने नेकपाले बताएको छ।

भारत सरकारले प्रकाशित गरेको नयाँ नक्सामा नेपालको कालापानी क्षेत्र, लिपुलेक र सीमा नदी महाकालीको मुहान लिम्पियाधुरालाई समेत आफ्नो भू-भागमा राखेको कुरामा नेपालका सबै राजनीतिक दल, नेपाल सरकार, बौद्धिक र विज्ञ समुदाय र सिंगो नेपाली समाजलाई असह्य भएको तथ्य प्रकट भई नै सकेको छ, प्रतिवेदनमा भनिएको छ।

प्रतिवेदनमा उल्लेख छ, पार्टी र सरकारले कूटनीतिक संवादमार्फत भारत सरकारसँग नक्सा सच्याउन, नेपाली भूमिबाट भारतीय सेना हटाउन नेपालको भूमि फिर्ता पहल शुरू भइसकेको छ । आजको अन्नपूर्ण पोस्ट दैनिकले खबर छापेको छ।