युनाइटेड र आर्सनल स्तब्ध, चेल्सी र टोटनहमको सानदार जित

प्रकाशित मिति : २७ चैत्र २०७८, आइतबार  ९ : २९


काठमाडौं। एन्थोनी गार्डेनको निर्णायक गोलमा इङ्लिस प्रिमियर लिगमा शनिबार म्यानचेस्टर युनाइटेड एभर्टनसँग स्तब्ध बनेको छ ।

एभर्टनलाई घरेलु मैदानमा जित दिलाउन गोर्डेनले २७औं मिनेटमा गोल गरे ।

प्रिमियर लिगमा रेलिगेशन क्षेत्रभन्दा एक स्थानमात्र माथि रहेको एभर्टनले जितसँगै १८औं स्थानको बर्न्लीसँगको अंक दुरी चार अंक पुर्याएको छ ।

यता एभर्टनसँगको हारले युनाइटेडको शीर्ष चारमा रहँदै च्याम्पियन्स लिगमा स्थान बनाउने लक्ष्यमा धक्का लागेको छ ।

सातौं स्थानमा रहेको युनाइटेडले ३१ खेलबाट ५१ अंक जोडेको छ । जुन चौथो स्थानको टोटनहम भन्दा छ अंक कम हो ।

आइतबार भएको अर्को खेलमा आर्सनल पराजित हुँदा टोटनहम भने चौथो स्थानमा उक्लियो ।

टोटनहमले एस्टन भिल्लालाई ४–० को अन्तरमा हरायो । टोटनहमको जितमा ह्युन मीन सनले ह्याट्रिक गरे । यस्तै डेजान कुलुसेभस्कीले एक गोल गरे ।

जितसंगै टोटनहम ३१ खेलबाट ५७ अंक बनाउदै चौथो स्थानमा उक्लिएको छ ।

अर्को खेलमा चेल्सीले साउथह्याम्पटनलाई ६–० अन्तरले पराजित गर्यो । चेल्सीको जितमा मासो माउन्ट र टोमो वार्नरले समान दुई गोल गरे भने काइ हाभार्ट, मार्कोस एलेन्सोले एक एक गोल गरे ।

जितसंगै चेल्सी ३० खेलबाट ६२ अंक सहित तेस्रो स्थानमा छ ।

अर्को खेलमा आर्सनल ब्राइटनसंग घरेलु मैदानमा २–१ को अन्तरले पराजित भयो भने लिड्स युनाइटेडले वाटफोर्डलाई ३–० अन्तरले हरायो ।


प्रतिक्रिया दिनुहोस्