च्याम्पियन्स लिगको पहिलो लेगमा सिटी र लिभरपुल विजयी

प्रकाशित मिति : २३ चैत्र २०७८, बुधबार  ७ : ४७


काठमाडौं। युइएफए च्याम्पियन्स लिग फुटबलको पहिलो क्वाटरफाइनल खेलमा मंगलवार राति दुई इंग्लिस क्लब म्यानचेस्टर सिटी र लिभरपुल विजयी भएका छन्।

सिटीले घरेलु मैदानमा भएको पहिलो लेगमा स्पेनिस क्लब एट्लेटिको मड्रिडलाई १–० अन्तरले पराजित गर्यो।

सिटीको जितमा केभिन डे ब्रुयनले खेलको ७०औं मिनेटमा निर्णायक गोल गरे।

बाकी समय दुबै टोलीले गोलका अवसर बनाएपनी सदुपयोग गर्न सकेनन्। दोस्रो लेगमा सिटीले एट्लेटिकोको मैदानमा १४ तारिखमा आतिथ्य पाउनेछ।

अर्को खेलम लिभरपुलले बेन्फीका माथी ३(१ को सहज जित निकाल्यो । लिभरपुलको जितमा इब्राहिम कोनाटे, साडियो माने र लुइस डिआजले एक एक गोल गरे।

पोर्चुगिज क्लबका लागि डार्विन नुनेजले सान्त्वना गोल गरे।
अब लिभरपुलले १४ तारिखमा हुने दोस्रो लेगमा बेन्फिकालाई घरेलु मैदानमा स्वागत गर्नेछ।


प्रतिक्रिया दिनुहोस्