भारतीय प्रहरीको इन्काउन्टरले विश्वलाई राम्रो सन्देश दियो कि नराम्रो ?

प्रकाशित मिति : २० मंसिर २०७६, शुक्रबार  ७ : ४१
0
Shares
  • change font
  • change font
  • change font

काठमाडौं । दक्षिण भारतको हैदराबादमा एक बहुचर्चित बलात्कार काण्डमा पक्राउ परेका ४ अभियुक्तको प्रहरीले इन्काउन्टर गरेपछि भारतभर यसले मिश्रित प्रतिक्रिया जन्माएको छ ।

भारतमा सर्वसाधारणले प्रहरीको प्रशंसा गरेका छन् । इन्काउन्टरमा संलग्न प्रहरीहरुलाई लड्डु समेत खुवाइएको छ ।

एकथरिले 'जस्तालाई उस्तै' भन्दै प्रहरीको प्रशंसा गरेका छन् भने अर्को तर्फ सत्ताधारी दल भाजपाकै नेताहरुले कानुनको खिल्ली उड्ने काम भएको भन्दै सरकारको आलोचना गरेका छन् ।

हैदराबादमा ८ दिन पहिले एक डाक्टर युवतीको बलातकार पछि आगोले जलाएर हत्या गरिएको थियो । उक्त घटनापछि दोषीमाथि कडा भन्दा कडा सजाय हुनुपर्ने माग सडकदेखि सदन सम्म उठेको थियो । 

प्रहरीमाथि निकै दबाब परेपछि शुक्रबार बिहानै अभियुक्तहरुलाई इन्काउन्टरमा मारिएको हो । प्रहरीले आफूमाथि परेको दबाब इन्काउन्टर गरेर राम्रो सन्देश दिने प्रयास गरेपनि के ति अभियुक्त नै दोषी थिए त ? त्यो कुरा भने प्रमाणित भइसकेको थिएन् ।

प्रहरी नियन्त्रणमा रहेकाहरुमाथि इन्काउन्टरको नाममा हत्या गर्नु मानव अधिकारको गम्भीर उलंघन समेत हो । 

भारतको घटनाबारे सामाजिक सञ्जालमा थुप्रै प्रतिक्रिया जन्माएको छ । नेपाल प्रहरीका पूर्व डिआईजी हेमन्त मल्लले प्रहरीले दुई दिन वाहवाही पाउन गरेको यस्तो कार्यले विश्वलाई नराम्रो सन्देश गएको भन्दै ट्विट गर्नुभएको छ । 

यो पनि

बलात्कारका अभियुक्तलाई गोली ठोक्ने प्रहरीलाई फुलको माला तर, उठ्यो गम्भीर प्रश्न !

 


प्रतिक्रिया दिनुहोस्