0
Shares
काठमाडौं । तेह्रौँ दक्षिण एशियाली खेलकूद (साग)अन्तर्गत पुरुष फुटबलमा भुटानले माल्दिभ्सलाई पराजित गरेको छ । भुटानले माल्दिभ्सलाई २–१ गोलले हराएको हो ।
त्रिपुरेश्वरस्थित दशरथ रङ्गशालामा आज भएको खेलमा भुटानका लागि छिमी दोर्जे र फुर्ब थिन्लेले गोल गरेका थिए ।
दोर्जेले खेलको ५५औँ मिनेटमा तथा थिन्लेले ८४औँ मिनेटमा गोल गरेका हुन् ।
खेलको अन्तिम मिनेटमा माल्दिभ्सका लागि हाम्जा मोहम्मदले सान्त्वना गोल गरेका थिए । मध्यान्तरअघि दुवै टोलीले गोलरहित बराबरी खेलेका थिए ।
जितसँगै भुटानले तीन खेलमा छ अङ्क जोडेको छ । अहिले दशरथ रङ्गशालामा बङ्गलादेश र श्रीलङ्काबीच आजको दोस्रो खेल भइरहेको छ ।
