नारी दिवसको अवसरमा महिलाले झापा गोल्डकप निःशुल्क हेर्न पाउने

प्रकाशित मिति : २३ फाल्गुन २०७८, सोमबार  ८ : ५०


काठमाडौं। नारी दिवसको अवसरमा पाँचौ झापा गोल्डकप अन्तर्गत मंगलबारको खेलमा नारीहरुले निःशुल्क खेल हेर्न पाउने भएका छन्।

आयोजकले सोमाबर एक विज्ञप्ती जारी गर्दै ११२औं अन्तर्राष्ट्रिय श्रमिक महिला दिवसको अवसरमा गोल्डकपअन्तर्गत मंगलबार तय थ्री स्टार र संकटा क्लबबीचको खेल निःशुल्क हेर्न पाउने जनाएको हो।

‘समस्त आमा,दिदिबहिनीहरुप्रति सम्मान व्यक्त गर्दै समस्त महिलाका लागि भोलि फागुन २४ गते मंगलबार झापा गोल्डकपको खेल प्रतियोगिता निःशुल्क हेर्ने व्यवस्था मिलाइएको सबैमा जानकारी गराउदछौं। साथै यस अवसरमा सरकारले समेत सार्वजनिक विदा दिएकाले तनावमुक्त भएर समयमै उपस्थित भई खेल हेरेर मनोरञ्जन लिनुहुन सबै महिलामा अनुरोध छ,’ विज्ञप्तीमा भनिएको छ।

जारी प्रतियागितामा १० टोलीको सहभागीता रहेको छ ।


प्रतिक्रिया दिनुहोस्